أحمد عبد الله محمود: مش عايز أقول أنا ورثت إيه من أبويا الفنان الراحل
كتب: سماح غنيم
قال الفنان أحمد عبد الله محمود إنه فخور جدا بوالده الفنان الراحل عبد الله محمود وسيرته العطرة، كما تمنى لو أن والده يكون موجودا معه حاليًا ليرى النجاح الذي حققه بأعماله الأخيرة.
وأضاف أحمد عبد الله محمود خلال لقائه مع الإعلامي عمرو الليثي ببرنامج واحد من الناس، على قناة الحياة: "مش عايز أقول أنا ورثت إيه من أبويا بس لو هقول هيبقى ورثت منه الرجولة والالتزام في شغلي ومع أسرتي.. أبويا متوفي من 19 سنة ولحد دلوقتي كل ما تيجي سيرته بسمع عنه دهب دا غير إني ورثت منه عشقي للفن مش بس حبي ليه".
وتابع: أنا مش مطرب لكن لما عملت أغنية كان صعبان عليا وأنا شايف المرض بيسيطر على سندي وضهري في الدنيا أبويا، ومكنتش قادر أعمله حاجة فكنت عايز أقوله حاجة، وكلمت صاحبي ملحن عشان أعمله أغنية وخدت منه فلوس أكني هجيب لبس غيبت 18 ساعة لما روحت سيبتله الـ سي دي في المستشفى ولقيت الممرضات بيكلموني بيقولولي تعالي روحت لقيته مجمعهم وبيقولهم بصوا ابني عملي ايه وقتها حسيت بفرحة وسعادة حقيقية.
