خالد الغندور: مفيش حد له نفس يتفرج على مباريات في الدوري

انتق خالد الغندور نجم الزمالك ومنتخب مصر السابق، لعب مباريات الدوري أمس الأحد، قائلا: كان من الأفضل عدم اللعب حدادًا على روح أحمد رفعت لاعب فريق موردن سبورت.

وأضاف الغندور في تصريحات تليفزيونية: كان من الأفضل ألا تقام مباريات الأحد، حدادًا على روح أحمد رفعت، ومفيش حد له نفس يتفرج على مباريات في الدوري، وكل الأندية رفضت إنها تتابع مبارياتها احترامًا لأحمد رفعت.

وتابع: مفيش حد له نفس يتكلم في الفنيات بسبب وفاة أحمد رفعت، والمشهد المؤثر إلى شوفناه خلال الساعات الماضية، شوفنا كهربا وشيكابالا وهم في جنازة أحمد رفعت، بسبب ارتباطهم باللاعب منذ الطفولة.

وواصل: زي ما أجلنا ماتش سموحة وبيراميدز بسبب انقطاع الكهرباء فاجأة، كان لازم نأجل مباريات الأحد كنوع من أنواع الحداد، أتمنى في الموسم الجديد أن يحدث تغيير جذري سواء في لجنة المسابقات أو لجنة الحكام أو رابطة الأندية، ومش لازم نستنى مصيبة لما تحصل علشان نغير أو نادي ينسحب من مباراة قمة علشان نغير.