بعد عتابه لـ تامر حسني.. خالد الصاوي: «متتعشمش في حد في الزمن دا علشان متزعلش»
كتب: نسرين إبراهيم
علق الفنان خالد الصاوي، على رد الفنان تامر حسني عليه، بعدما عاتب تامر في الأيام الأخيرة بسبب عدم سؤاله عنه.
وقال خالد الصاوي في تصريحات تليفزيونية، بعد أن اعتذار الأخير له، حيث قال: علاقتنا بقت محددة، أنا مشوفتش لسه الرد بتاعه، واتكلمت عنه من العشم، ولما بسأل عليهم بيسألوا عليا، تامر حسني وكريم عبد العزيز وأحمد السقا كلهم حبايبي.
وتابع خالد الصاوي: متتعشمش في حد في الزمن دا علشان متزعلش، أنا علاقتي بيهم بقت عبارة عن أفعال قصاد أفعال وخلاص، لكن دائما بقول العشم يؤدي للزعل.
تعليق تامر حسني على كلام خالد الصاوي
ورد الفنان تامر حسني على تصريحات خالد الصاوي، عبر استوري له بحسابه الشخصي بـ انستجرام جاء فيه: يا عم خالد أنت صاحبي وحبيبي وتأخيرك عني مکانش شخصي، لو شخصي مكنتش هزعل واستناك سنه مش أسبوع، بس ده كان تأخير على كل الممثلين والمنتج والمخرج، وياريتك قولتلي إنك زعلان على تليفوني من سنتين كنت جيت لحد عندك صالحتك والله.
وأضاف تامر حسني: معرفش أنك زعلان وبالمناسبه أنا اللي زعلان عشان كان نفسي تبقى معايا وأنت اللي اختفيت وعلى أي حال زعلك عندي بالدنيا وأول ما أرجع من السفر إن شاء الله هجيلك لحد عندك أصالحك وناخد صورة حلوة.
اقرأ أيضا: إليسا: ارتبطت بمسلم أخفى عني زواجه.. معنديش في ثقافتي فكرة الزوجة الثانية
