هنا الزاهد: كنت شاطرة في المدرسة لكن اترفدت منها

قالت الفنانة هنا الزاهد إن والدتها كانت دائمًا تلبسها هي وفرح زي بعض بالرغم من كرههما لذلك: إحنا مش توأم وأنا أكبر منها بعامين ونصف.

وأضافت هنا الزاهد، في تصريحات تليفزيونية: ماما كانت بتحب تدلعنا وكانت مديرة مدرستنا شديدة وفي آخر أيام الامتحانات كانت بتختار لنا ملابسنا وكنا لبسنا كتف وكتف.. وطبعا مديرتنا معجبهاش الأمر ودخلت عليا قالتلي تعاليلي ولبستني تيشيرت طويل أنا وأختي وقالت عقابًا ليكوا هتلبسوا كدا كل يوم.

وتابعت: كلموا ماما وتاني يوم لبستنا حاجة من غير كتف.. وقولتلهم والله ما أخترتوا هي اللي اختارتوا قالتلهم خلاص سيبوها.. وطول عمري كنت إنسانة نيرد فى حياتي لأن ماما كانت لا تجبرنا على المذاكرة، وكنت شاطرة طوال عمري.. وجيت على آخر سنتين زهقت واتصاحبت على بنات قاعدة في آخر الصف واترفدت لمدة أسبوع.