محمد صبحي: عايزين نقدم فن يرفع قيمة الإنسان

قال الفنان محمد صبحي، أن الترفيه جزءًا أساسيًا من الفن، ولكن لا يجب نزع الفكر والرسالة منه، ولكن الأعمال التي يتم تقديمها خلال الفترة الحالية خالية من الأهداف والرسائل التي من المفترض أن يقوم بها العمل الفني.

وأوضح محمد صبحي، في تصريحات تليفزيونية قائلاً: اللي بيقطع تذاكر دلوقتي وبيدخل سينمات إن مكانش شيء تافه مش هيدخله، الفن جزء أصيل فيه الترفيه، لكن لو منزوع منه الفكر والرسالة مش هيفيدني في حاجة، في ناس بتقول الفن ترفيه وتفاهة وكفاية المتعة اللي بنحققها للمشاهد أنه بيضحك، لأ مبيضحكش، وعيب لما تقول أن قدراتك كلها علشان تضحك تبقى قليل الأدب، لأ أنت تضحك بمستوى أنت طالب تحققه في مجتمعك.

وأضاف: عايزين نقدم فن يرفع قيمة الإنسان، مبقولش نقول فلسفة ولا خطب، الناس بتصرخ من الضحك بس أنت عارف كيف تكتب الكوميديا لأن دي أصول، ولازم المؤلف يرجع تاني، وأنت مقعد المحترمين اللي بيفهموا وبيكتبوا وأثبتوا جدارتهم ونجوم سواء ممثلين أو مؤلفين أو مخرجين قاعدين في بيوتهم لأن دمهم تقيل، أنا راجل مبخافش، أنا بنتقد وضع سائد وكل الناس تتكلم عليه في السوشيال ميديا.

وأشار: أنا بقول دوروا على الناس دول وتعالوا اشتغلوا، إنما لما بنت تطلع في التيك توك وتقول كلام سافل ومنحط بتشتغل في 4 و5 مسلسلات، وفي شركات إنتاج في مصر عايزة التريند، والكاميرات مبتروحش غير للتفاهات.

اقرأ أيضاً: فادية عكاشة من داخل دار المسنين: محمد صبحي قريب واستقبلني وفرح بيا