سيف زاهر: الرقم المرصود لملف صفقات الأهلي يتخطى 400 مليون جنيه

كشف الإعلامي سيف زاهر، عن تفاصيل صفقات الفريق الأول لكرة القدم بالنادي الأهلي، خلال فترة الانتقالات الصيفية الحالية، قائلا: الرقم المرصود لملف صفقات الأهلي يتخطى 400 مليون جنيه.

وأضاف سيف زاهر، خلال برنامجه المذاع على فضائية «أون تايم سبورتس»: في مرحلة شد وجذب كبيرة جدا في النادي الأهلي حاليا، وجهة نظر محمود الخطيب ممثلة في لجنة التخطيط والإدارة ووجهة نظر كولر، فتعليمات كولر أوامر وهو اللي بيقول مين اللي يقعد ومين اللي يمشي.

وتابع: واحد يقولي يعني إنت بتقول إن تعليمات كولر مش أوامر في الأهلي، أقوله لا مش مع بيبو لأن بيبو أحرف منه، ولكن في بعض الأسماء وعلى سبيل الأسماء أحمد عبد القادر، كولر كان مش عايزه بس النادي عايزه، وأفشة نفس الكلام.

وواصل: كل طلبات كولر أوامر في ملف الصفقات، سواء كان محمد على بن رمضان، يحيي عطية الله أي طلبات عايزها، والرقم المرصود لملف الصفقات يتخطى 400 مليون جنيه.