يسرا: عملت 11 فيلم في سنتين وكلهم فشلوا

تحدثت الفنانة يسرا، عن بدايتها الفنية قائلة: أول ما بدأت أول سنة ليا عملت 6 أفلام، وتاني سنة 5 أفلام لكن منزلوش وقتها، ولما اتعرضوا بعد فترة كبيرة كلهم فشلوا.

وأضافت يسرا، خلال لقائها في برنامج «بيت السعد»: شاركت في 25 فيلمًا خلال 4 أعوام، ولكن لم يُعرض أي منهم للجمهور في السينما أو التلفزيون وقتها.. عملت 25 فيلم في 4 سنين ومنزلوش، وكانوا بيسموني النجمة المعلبة.

وتابعت: بداياتي كانت صعبة جدًا لأن كان فيه نجلاء فتحي وميرفت أمين ومديحة كامل وقبلهم سعاد حسني، عشان أثبت نفسي في وسط دول كانت مهمة صعبة أوي، فأنا حضرت مونتاج فيلم الكرنك عشان أتعلم يعني إيه راكور.

وواصلت: أروح معهد السينما عشان أتعلم أبقى موديل ويصوروني، ويعملوا مشاريع التخرج وأبقى بطلتها، كنت حابة إني أكون موجودة وكنت بقلد كل الناس وأنا صغيرة.