عمر كمال: «الجواز العرفي كويس ومش عايز أخلف عشان مش هعرف أربي»
كتب: نسرين إبراهيم
كشف مغني المهرجانات عمر كمال عن رأيه في الزواج العرفي موضحا أنه يريد أن يتزوج لكن لا يريد أن ينجب أطفال.
وقال عمر كمال خلال لقائه مع الإعلامية سالي عبد السلام من برنامج "حد النجوم" عبر القناة الأولى، عن مواصفات فتاة أحلامه: "عايزها تكون طيبة وبنت حلال وعايز واحدة شغلها في الحياة عمر، أصل هتشتغل ليه تهتم بيا".
وكشف عمر كمال سبب عدم رغبته في الإنجاب ورأيه في الزواج العرفي، قائلا: "حبيت مرتين لكن مكنش في نصيب، والجواز العرفي أحسن وكويس لأن الناس بتدخل في كل حاجة بتبوظها".
وأضاف: "أنا مش عايز أخلف مش بحب، عايز يبقى عندي زوجة عيال لأ لأنهم مسئولية ووجع قلب، مسئولية تقيلة أني أجيب حد للحياة وأكون مسئول عن زعله وفرحه ومش هعرف أربيه، أنا مش فاضي أربي ومش هعرف هبقى حنين أوي ومش هعرف أخد موقف، أنا بدلع ولاد إخواتي زيادة عن اللزوم".
وأكمل عمر كمال: "أنا مش عايز أخلف عشان لو حبيت انفصل انفصل بسهولة، أنا إنسان مزاجي والشغل بيتحكم في مزاجي جدا وكل يوم بصحى بحال وممكن أغنية أكون منزلها ومتنجحش يبقى مزاجي زي الزفت، وممكن أزعق وأكسر المكان".
وخلال اللقاء تحدث عمر كمال عن زميله حمو بيكا وقال إنه لابد أن يخوض تجربة التمثيل موضحا: "حمو بيكا لازم يمثل بيفكرني بالفنان الراحل طلعت زكريا ونفسي يعمل مع الفنان هاني رمزي غبي منه فيه".
اقرأ أيضا: هاجر أحمد: زوجي هو خير من أحببت وخير الحياة بأكملها
