بوسي: مقدرش على نفسي «صوت مصر» والسوق هو اللي يحكم

كشفت الفنانة بوسي عن رأيها في الجدال المتواجد بين الجمهور على لقب صوت مصر، لافتة إلى أنها ترفض الألقاب.

قالت بوسي في تصريحات تلفزيونية:' أنا مبحبش موضوع الألقاب ده أوي، كل واحدة ليها ستايلها وليها شغلها وليها صوتها اللي اتميزت بيه، كل واحد بيحب مطربة شايف أنها صوت مصر علشان كده حاصل خناقات دلوقتي، لكن السوق هو اللي يحكم مين رقم واحد أو اتنين أو تلاته مينفعش اقول ع نفسي صوت مصر، مينفعش أقول عليكي صوت مصر.

وكانت قد وجهت رسالة خاصة إلى شيرين عبد الوهاب بعد أزمتها الأخيرة قائلة :' شيرين بعشقها وبعشق صوتها اصلا، بحبها أوي ومستخسراها وبقول حرام وأنا مش بحب اتدخل في الحياة الشخصية لحد لكن أنا هنا مش بكلمها كزميلة، أنا بتكلم كفان ليها، محتاجينك ترجعي شيرين بتاعت زمان ، شيرين اللي كانت مركزة ف شغلها، شيرين اللي كانت بتحب مهنتها، اللي كانت بتحب الغناء وبتعمل حاجات حلوة تكسر الدنيا محتاجينها ترجع تاني، وربنا يارب يعملها كل الخير.