شهيرة تعتذر لإحدى السيدات بعد تعنيفها لها منذ 5 سنوات.. اعرف الحكاية

بعد مرور 5 سنوات، قررت الفنانة شهيرة الاعتذار لإحدى السيدات التي وبختها وتحدثت معها بعنف في ذلك الوقت.

وأكدت  شهيرة أن ما صدر منها حينها كان بسبب الظروف القاسية التي كانت تعاني منها وقتها بسبب مرض زوجها الراحل محمود ياسين.

وكتبت شهيرة منشورًا، عبر حسابها الشخصي بموقع التواصل الاجتماعي فيس بوك، قالت فيه: "مش عارفة ابتدي إزاي بس من أكتر من 5 سنوات تواصلت مع سيدة جميلة، تغزل ملايات سرير بأناقة ورقة، وكنت طلبت منها شيء أو إضافة معينة للملاية، وكانت السيدة من الإسكندرية لما وصلتني الملاية تكلمت معها بعنف، وإن مش هو ده الشيء اللي طلبته، بعد كده اكتشفت إن الملاية بكل مكوناتها في منتهى الجمال والجودة".

وتابعت: "ولكني وقتها كنت في أعلي درجاته التوتر بسبب شده مرض زوجي في هذه الأيام،  والملايه برغم مرور السنين مازالت محتفظه برونقها، أنا بكتب ده عشان عايزه أعتذر لها علي مابدر مني وقتها من سوء فهم نظرا للظروف الصعبه والقاسيه عرضت جزء من الملايه عشان  لو تصادف وشفتها السيده الجميله تعذرني و تسامحني، يارب يارب تشوف البوست وصوره ملاياتها اللي طبعا مش بجمال الحقيقهة،  بعتذر لها  تاني ولو شافت البوست  تتصل  بيا أرجوها مع تحياتي، ادعو معايا والنبي  تشوف البوست، وللأسف معنديش أي وسيله اتصال".

اقرأ أيضا: موعد حفل تامر عاشور في مرسى مطروح