دانا حمدان ترد على متابعة سخرت منها بسبب بكائها على كلبها المتوفي: اللي يستهين بأوجاع غيره ربنا ممكن يبتليه
كتب: نسرين إبراهيم
شاركت الفنانة دانا حمدان متابعيها بمقطع فيديو عبر حسابها بموقع انستجرام، انهارت فيه من البكاء بسبب وفاة كلبها هابي، الذي كان مفقودا منذ نحو 3 سنوات، حيث علمت اليوم وفاته بسبب الإهمال.
وكشفت دانا حمدان في الفيديو أنها علمت أن كلبها توفي بعد إصابته بمرض مميت، وقالت: بقالي 3 سنين بحاول أدور عليه، وكان نفسي أشوفه، وأطمن عليه لكن أنا عملت اللي عليا، مش عارفة أقول إيه، جاله مرض مميت للكلاب، ومش مسامحة الناس اللي خدته واستغنت عنه بصراحة، لأنه ما يستاهلش كان كلب جميل، وكان أحلى إخواته وكانت عينه ملونة وزي القمر، مفيش حاجة أقدر أعملها، أرجوكم لما تجيبوا كلاب ما يستاهلوش تعملوه فيهم كده، مش عارفة أعبر عن مشاعري من كتر ما أنا زعلانة.
وردت دانا حمدان في فيديو آخر على السخرية التي تعرضت لها من قبل إحدى متابعيها بسبب بكائها على الكلب قائلة: أنا قفلت الكومنتات، واللي بتتريق عليا لأني بعيط عمري ما هتمنى ليكي حاجة وحشة ولا لأي حد، لكن أنتي لابسة حجاب يعني شخص تعرفي ربنا كويس وربنا ما يبتليكي وخدي بالك من كلامك، اللي يستهين بأوجاع غيره ربنا ممكن يبتليه بوجع عمره ما يتخليه وتحسي ساعتها يعيني إيه فقدان شيء، وأنتي كتبتي التعليق ده لأنه حيوان لكن صدقيني الفقدان شيء بشع ومالوش علاقة إنه إنسان ولا حيوان لأن في ناس بتزعل على نباتة أو شجرة وخدي بالك من كلامك".
View this post on Instagram
View this post on Instagram
View this post on Instagram
