هنا شيحة: بخاف من عمليات التجميل وبهتم ببشرتي جدا

كشفت الفنانة هنا شيحة عن روتينها للحفاظ على بشرتها موضحة أنها لا تحب فكرة الخضوع لعمليات التجميل.

وقالت هنا شيحة عن عمليات التجميل خلال لقائها في برنامج "كلاكيت" من تقديم لينا الطهطاوي عبر إذاعة وقناة "نجوم FM": أنا بخاف على نفسي جدا عندي خوف، وأنا ممثلة مينفعش أضحك ووشي ميظهرش عليه علامات الضحك، في حاجات مينفعش الممثل يعملها".

وكشفت هنا شيحة عن روتينها للحفاظ على بشرتها قائلة: "لازم نهتم ببشرتنا ونشرب مايه كتير، بحط كريم نهاري وليلي وبعمل مساج الحاجات دي مهمة عشان الدورة الدموية، بقوم الصبح أشرب مايه بليمون وشوية وأشرب عصير كرفس أو كركم".

وتابعت هنا شيحة: "المكياج لازم ننضفه كويس جدا، لازم أي حاجة بنستخدمها تكون طبيعية وميكونش فيها كيماويات كتيرة وناخد بالنا من الأكل، أنا بحب في التصوير أخد جزر وخيار وفاكهة، أنا معروفة إني في التصوير "أرنب" مش بقدر أكل أكلات تقيلة وممكن أنام، طول الوقت باكل بس حاجات صحية".

يذكر أن آخر أعمال هنا شيحة حكاية "ما تيجي نشوف" ضمن حكايات مسلسل "55 مشكلة حب".

"ما تيجى نشوف" هي ثانى حكايات مسلسل "55 مشكلة حب" للمؤلف عمرو محمود ياسين، ومكونة من 10 حلقات وبطولة هنا شيحة، نبيل عيسى، إسلام جمال، نهى عابدين، ملك قورة، طارق صبرى، أحمد جمال سعيد، راندا عبد السلام، وورشة الكتابة سارة مصباح وولاء أمين وإخراج محمد الخبيرى.