مجدي عبد الغني: ما زرتش قبر أبويا من 40 سنة عشان معرفش مكانه

فسر مجدي عبد الغني، لاعب منتخب مصر والنادي الأهلي السابق، تصريحه بأنه لم يزر قبر والده منذ 40 سنة، خلال دفاعه عن اتهامه بـ عمل سحر لإصابة لاعب النادي الأهلي السابق مؤمن زكريا، بمرض التصلب الجانبي الضموري، ووضع «العمل» في مقابر أسرته بالبساتين.

وقال عبد الغني خلال تصريحات تليفزيونية: مصر كلها سابت موضوع مؤمن زكريا ومسكت في الرقم 40، وقالوا عليا يا جاحد بقالك 40 سنة مش بتزور والدك.

وأضاف:هذه المقبرة تخص جدي، والذي توفى عام 1960، والمقبرة تحتوي على جثامين عدد كبير من العائلة، أنا كنت بقول رقم جزافي، أنا مش حافظ الرقم بالضبط، ممكن والدي ميكنش في المقبرة، البساتين بتتشال دلوقتي، بعد فترة لما القبر بيمتلئ بيشيلوا العظم عشان يدفنوا جثامين جديدة.

وتابع: والدي مدفون هناك، فين هو بالضبط معرفش، أنا رحت دفنته سنة 1984، الأماكن تغيرت، وآخر مرة رحت دفنت أختي، أنا دلوقتي عشان أروح معرفش فين القبر بالضبط، القبر مش مكتوب عليه مجدي عبد الغني، القبر مكتوب عليه اسم جدي (سيد أحمد حمد)، المكان كله بيتشال.