عمرو أديب: لو عندك 3 عيال محتاج بــ600 جنيه في الشهر بيض
كتب: سماح غنيم
علق الإعلامي عمرو أديب على الارتفاع الكبير في أسعار بيض المائدة خلال الفترة الحالية، قائلا: «لو عندك 3 عيال وكل عيل بياكل بيضة في اليوم، طبعًا محدش في مصر بياكل بيضة، إنما يعني، لو كل عيل بياكل بيضة في اليوم، هتصرف عليهم من 600 إلى 700 جنيه في الشهر بيض بس».
وأضاف أديب، خلال برنامجه «الحكاية»، عبر فضائية «MBC مصر»: الغريب إن سعر البيض مرتفع حتى لو سعر الفراخ رخصت، النهارده أسعار الفراخ مستقرة شويه، لكن أسعار البيض في ارتفاع.
وتابع: كرتونة البيض دلوقتي بقت برقم، وبتزيد زيادات كبيرة، دون أسباب واضحة، وقد اقترب سعر الكرتونة من 200 جنيه.
