عمرو أديب: الزمالك لازم يتعلم من الأهلي ويعاقب الثلاثي المخطئ بدل الانسحاب

علق الإعلامي عمرو أديب على أزمة ثلاثي الزمالك في الإمارات بعد تهديد الفريق بالانسحاب لاحتجاز ٣ من لاعبيه بتهمة الاعتداء على فرد أمن باستاد آل نهيان خلال مباراة بيراميدز.

وقال عمرو أديب عبر "أم بي سي مصر": "سلوك اللاعب ده شئ مهم ..احنا شوفنا الأهلي عمل إيه.. محمد رمضان رجع كهربا مصر وخصم منه مليون جنيه وهو رايح ماتش نهائي دي أخلاق.

وأضاف: "متقوليش إن أنت أكبر قلعة رياضية في مصر يا كابتن حسين لبيب ومش عايز تعاقب لاعيبه اخطأت".

وتابع: "لازم تفصل بين الماتش والبطولة وبين أخطاء اللعيبة في الإمارات. القانون بيتم تطبيقه بشكل قوي ومفيهوش هزار". 

وقال عمرو أديب: "يجب أن يتدخل وزير الرياضة واتحاد الكورة لأن الأمر بقى حساس جداً.. ولو عايزين تنسحبوا انسحبوا بس ده مش الحل الصحيح ولا الأخلاقي ولا الرياضي ولا التربوي".