مروة صبري: لما نادين نجيم تتخان مفيش ست تزعل

وجهت الإعلامية مروة صبري رسالة إلى النجمة اللبنانية نادين نسيب نجيم، عقب الأنباء التي ترددت مؤخرا حول أسباب فسخ خطبتها، وهو ما أثار اهتمام رواد السوشيال ميديا.

وقالت مروة صبري خلال تقديمها برنامج "قعدة ستات" المذاع عبر قناة ألفا اليوم: "نادين نجيم صاروخ لبناني قمر، وأقدر أقول عليها صارخة الجمال والوطن العربي كله بيحلف بجمالها وطريقتها في التمثيل وخفة دمها، وفيها مواصفات أي راجل في الدنيا يحلم ويتمنى يسلم عليها أو يعرفها، تخيلوا لما راجل يخطبها أو يتجوزها".

وأضافت: "من أيام نادين أعلنت فسخ خطوبتها على رجل أعمال سوري بعد قصة حب عظيمة ومقالتش السبب، وفوجئنا بإعلامي لبناني طلع يقول إن خطيبها كان بياخد منها فلوس كتير جدا آلاف الدولارات، وكان بيجيب لها هدايا ساعات المفروض إنها أصلية وطلعت مش أصلية، وطلع بيضحك عليها".

وتابعت مروة صبري: "مش يمكن نادين اكتشفت إنه بيخونها؟ مش يمكن كانت صابرة وساكتة على حاجات كتير لمجرد إنها بتحبه زي أي ست قلبها بيحركها.. لما الصاروخ تتخان أو تفسخ خطوبتها يبقى أي حاجة في الدنيا ممكن تحصل، ومفيش واحدة تزعل بعد كده".

واختتمت مروة صبري قائلة: "في حال كانت رواية الإعلامي اللبناني صحيحة إنت متستاهليش كده أبدا، اعرفي قيمة نفسك وحبي نفسك، إنت جميلة الجميلات".

جدير بالذكر أن الفنانة نادين نسيب نجيم أصدرت بيانا نفت فيه كل الأخبار المتداولة عن سبب انفصالها عن خطيبها.