بعد مصافحته للرئيس السيسي.. والدة الطفل أنس تنهار بالبكاء في «الستات ما يعرفوش يكدبوا»
كتب: مؤمن نصر
عبر الطفل أنس حسين اللاعب في نادي أسوان، عن سعادته بمصافحته للرئيس عبد الفتاح السيسى فى احتفالية اتحاد القبائل العربية، قائلًا: "كنت في سعادة لا توصف ونفسي أكون زي شيكابالا ومحمد صلاح، وألعب في أحد الأندية الكبيرة زي النادي الأهلي أو الأندية العسكرية وحاليًا أنا مركز في مدرستي".
من جانبها دعاء المشير، والدة الطفل أنس، عبرت خلال استضافتها في برنامج "الستات ما يعرفوش يكدبوا" على قناة "CBC" اليوم، عن فرحتها بابنها بزغروده داخل الاستديو، قائلة: " كنت بزغرد وهو الرئيس بيحضنه، والمشاعر مختلطة ما بين الفرحة والبكاء، أنس ابنى وهو صحبى مش ابنى، واللى محققتوش بحققه فيه، ومتطلعة وحابة يكون أحسن منى، ومن أى حد فى الدنيا، وساعدته وبقدم له الدافع للارتباط بالنادى فى أسوان، ودى طاقة إيجابية بوظفها فيه".
وأضافت: "ربنا كرمنى وطبطب عليا بطريقته وخلانى شفت الرئيس السيسى وابنى سلم عليه.. وأثناء حديثها بكت الأم فطبطب عليها ابنها أنس وحضنها، مؤكدة :"ربنا بيقولى متزعليش وتعبك مش هيروح هدر، وكملى".
وأكدت: "نظرة الفرح اللى فى عيون أنس وآيتن وآلاء بتنسينى أى حاجة صعبة، وأنا عاوزة ولادى أحسن ناس فى الدنيا، وربنا يدى كل واحد على أد طاقته والصابر على البلاء ربنا يأجره".
اقرأ أيضاً: مفيدة شيحة عن صفع عريس لعروسه: «إيه اللطف في المقلب؟! دي شهرة وصمة»
