«هدموا عشتها».. ضبط سيدة مهتزة نفسيا تسلخ الحيوانات وتأكلها داخل عشة بالمنيب
كتب: طه عبدالله
تعاملت أجهزة الأمن بمديرية أمن الجيزة، مع سيدة مهتزة نفسيا تقوم بقتل الحيوانات وسلخها وأكلها داخل عشة بمنطقة المنيب.
وقالت هدى مقلد، مديرة جمعية حياة قلب لإنقاذ الحيوانات بالشوارع، فى منشور على فيسبوك: "انهارده شفت بوست مكتوب فيه إن في ست عندها عدم اتزان ووعي مختلة عقليا. بتدبح الكلاب والقطط في المنيب".
تفاصيل الواقعة
وأضافت: "بسرعة البرق تواصلت مع صاحبة البوست وادتني رقم صاحب كشك هناك هو اللي بلغها واتصلت بيه وانا في طريقي للمكان وعند وصولي شفت منظر لا أعتقد إني شفتة أثناء عملي خلال السنين اللي عدت بالكامل ست شعرها منكوش عاملة أوضة تحت كوبري لابسه هدوم مقطعة جمبها جرو عمرة ٥ شهور ربطاة من رقبته بس الربطة طويلة فا رايح وجاي معاها وكل لما تقعد يروح عندها يبوس راسها.. أنا استغربت من المنظر ازاي هي تخلي في ثقة بينها وبين الجرو عشان يهز في ديلة لما تروح وتيجي من جمبة وبتأكلة من لحم كلاب وقطط.. وجوة الاوضة كلب جريفون مربوط وحطاة جوة الهدوم والكراكيب اللي في أوضتها وكان جمبة سكينة.. بشهادة الشهود السكان اللي هناك هتسمعو قالو اية وشافو اية طول الفترة اللي فاتت ".
وتابعت: "توجهت إلى قسم الجيزة لعمل بلاغ ضدها وان الست عاملة رعب للاطفال والناس وان المكان بتصدر منه رائحة نتنة وان جوة الغرفة كلاب كانو جاهزين للذبح.. خرجت عربية الشرطة وقدره يجيبوا الست وحررنا الكلاب اللي كانوا موجودين. وهي الآن في القسم طلبت من الظابط عدم الإفراج عنها الى حين الكشف عليها وعرضها علي النيابة وادخالها مصحة نفسية تكمل باقي حياتها جوه".
وأكملت: "أنا بشكر من كل قلبي كل اللي كاتو قايمين علي سرعة اتخاذ الإجراء والقبض عليها والتحفظ عليها".
واختتمت: "تم العثور على جروين جرو بلدي والآخر جريفون في حالة مزرية، تم العثور على ثلاث جرادل دم، تم العثور على رأس قطة جاهزة للأكل، وتم العثور على رأس جرو مسلوخة تم اكل الرأس بالكامل".
