ميمي جمال: «احتمال ألبس الحجاب قريب أنا مش صغيرة دلوقتي»

كشفت الفنانة القديرة ميمي جمال عن نيتها في ارتداء الحجاب، مؤكدة أنها ليس بعيدًا عنها.

وأوضحت "جمال" عن شائعها حجابها التي أشعلت مواقع التواصل الاجتماعي منذ سنوات بقولها: "هما قالوا إني اعتزلت وارتديت الحجاب وهذا غير صحيح، كل الفكرة أني عملت 3 مرات عمرة ورا بعض، وكانت أيام جميلة برفقة زوجي حسن مصطفى، لأنه كان عنده إقامة بدولة السعودية وبيجددها كل ٦ شهور، وكنا بنقعد هناك بالشهر وأكتر".

وتابعت: "الحجاب مش بعيد عليا ده إيحاء من ربنا لما يقولي هسمع واتحجب وحتى لو اتحجبت عادي هشتغل".

وتابعت ميمي:" أنا كبيرة مش صغيرة واحتمال ألبسه ليه لأ، وبالنسبة للشغل فكثير من الفنانات محجبات، ولهن أدوار مهمة وفي النهاية ده رزق".

واختتمت "جمال" بقولها: "أنا كبيرة مش صغيرة واحتمال ألبس الحجاب ليه لا!، وده عمره ما هيمنعني عن الشغل لأنه في النهاية ده رزق، ولازم أفكر في الحكاية دي، والتقرب من ربنا بينقي النفس من جوه، لأن عندي عقيدة الحجاب دي ولما بلبسه في العمرة ببقى مستريحة "، وجاء ذلك خلال استضافتها مع الإعلامية راغدة شلهوب في برنامج "سابع سما"، المذاع عبر فضائية "النهار".