محسن محيي الدين: حبيت نسرين في طفولتها وتزوجتها بعدما أصبحت أرملة

تحدث الفنان محسن محيي الدين عن ذكرياته مع زوجته الفنانة نسرين وقصة حبه لها، وذلك خلال لقائه في برنامج "مع خيري" من تقديم خيري رمضان عبر قناة "المحور".

وقال محسن محيي الدين خلال: "نسرين اتجوزت وهي عندها 16 سنة وبقت أرملة وهي عندها 19 سنة، كانت بالنسبة لينا البنت الجميلة، كنا بنعمل أغاني في الإذاعة كانت هي بتغني "صوليست" لوحدها وإحنا الكورال حواليها، أنا كنت بحبها جدا بس طفل يعني، وبعدها اتجوزت فضلت أقولها مش تستنيني، لكن طبعا البنات بيبصوا للكبار أكتر من الصغيرين في الوقت ده".

وتابع محسن محيي الدين: "وبعدها اتقابلنا في مسلسل "فرصة العمر" كانت اتجوزت وبعدت فترة ورجعت بالمسلسل ده، توفى زوجها واتقابلنا تاني في مسلسل "أبواب المدينة" وبعدها سافرت أنا لفرنسا وهي كمان سافرت عشان ورث لبنتها وعشان تقدر تجيبه كلمت مكتب يوسف شاهين، لأنه عنده اتصالات في فرنسا، وقابلتها وخلصت لها حاجات وأديتها دواء كان والدي محتاجة".

وأكمل محسن محيي الدين: "راحت نسرين قابلت والدي وأعجب بيها جدا بعدها بفترة والدي توفى وأنا رجعت من فرنسا وأول ما دخلت على والدتي قالتلي "والدك بيوصي أنك تتجوز نسرين قلت لها ماما إحنا في عزاء، ردت قالتلي دي وصيته وصاها وقال" عايزة تصوني ابنك جوزيه نسرين".

يذكر أن آخر أعمال محسن محيي الدين مشاركته في الجزء الرابع من مسلسل "المداح" الذي عرض في رمضان 2024.

مسلسل "المداح: أسطورة العودة"، من بطولة حمادة هلال، فتحي عبدالوهاب، هبة مجدي، دنيا عبد العزيز، خالد سرحان، محمد عز، حنان سليمان، تامر شلتوت، صبحي خليل، سهر الصايغ، مي سليم، دياب، حمزة العيلي، إخراج أحمد سمير فرج.