المطرب الشعبي إسماعيل الليثي: انا مطلقتش مراتي بسبب اختها وأهلها هم الغلطانين (تفاصيل)
كتب: حسام محمود
قال إسماعيل الليثي، مطرب شعبي: «كنت زعلان من مراتي عشان راحت فرح أختها وقعدت يوم كامل وكان نفسي إنها ماتروحش، لكن أنا ممنعتهاش، أختها عملت فيديو وأنهم فرحانين وانا اتصلت اتخانقت معاها وكنت فاكر إنها دخلت الفرح ولكن هي مدخلتش، وأنا مطلقتش مراتي".
المطرب الشعبي إسماعيل الليثي: أنا مطلقتش مراتي وأهلها هم اللي غلطانين (تفاصيل)
واحد من الناس
جاء ذلك خلال حلوله ضيفًا مع الدكتور عمرو الليثي ببرنامج واحد من الناس علي شاشة الحياة، وأضاف قائلًا: «أكل عيشي هو الغنا في الأفراح، ولقيت السوشيال ميديا بتتكلم عني وعن مراتي وإننا في مشكلة بسبب فرح اختها، وكل الحكاية إنها راحت وقعدت مع اختها وعملت المكياج لها ولكن مشاركتش في الفرح".
وأشار الليثي إلى أن الخطا يرجع لأهل زوجته قائلًا: "ماليش علاقة بأهل مراتي واللي يخصني مراتي وبس، وانا مسامح، ومركز في شغلي، ومن صغري وبحب برنامج واحد من الناس والإعلامي عمرو الليثي وكنت أتمني إني أقابلك، وشرف لي تواجدي بالبرنامج واعتز وافتخر بوجودي معك".
وفاة ابنه رضا
كما تطرق للحديث عن وفاة ابنه رضا، مضيفًا:"بعد الأربعين نزلت الشغل وأنا بتعذب ولكن معي فرقة فيها 30 عازف ومدير أعمالي وبصرف على والدتي واخواتي وبجهز اخواتي البنات، واشتغلت رغم الصدمة على رحيله".
وفي الختام وجه رسالة إلى ابنه الراحل رضا، معلقا:" ابن عمري وحشتني ونفسي أشوفك تاني وأقابلك في الجنة أنا وأمك، وليس في يدي شئ،والحمد لله ربنا يرحمك".
