محمد ثروت عن البطولة المطلقة: بتترمي عليك مش بتتطلب

أكد الفنان محمد ثروت، أنه لا يسعى إلى تقديم أدوار البطولة ولا يبحث عنها، مشيرا إلى أنه يهتم بالدور وأهميته ولا ينظر لحجمه.

وقال محمد ثروت خلال لقائه في برنامج "ضيفي مع" مع معتز الدمرداش: "البطولة مش بتتطلب مش بتقول أنا عايز أبقى بطل هي بتترمي عليك، أنك في الفترة دي الناس كلها شايفة أن حجمك أو الدرجة بتاعتك مبقتش مستحملة دور تاني أو أنك تقدر في شباك التذاكر تجيب إيرادات فبالتالي تترمي عليك".

وأضاف محمد ثروت: "عن نفسي أنا بحب الدور بصرف النظر دا بطولة ولا دور تاني أو حتى ضيف شرف وحتى الأعمال اللي بقبلها بحس أن الدور دا جديد أو بحس أني عايز أشارك في العمل عشان أطل على الناس بالكاركتير ده مش مسألة إني عايز أعمل بطولة".

يذكر أن محمد ثروت شارك في مسرحية "إس إس هانم" التي عرضت في موسم الرياض، وهي من بطولة إسعاد يونس، وكل من حجاج عبد العظيم، كريم عفيفي، ميرنا جميل وغيرهم من النجوم.

ومن ناحية أخرى، ينتظر محمد ثروت، عرض فيلم "ري ستارت" الذي يشارك فيه إلى جانب تامر حسني وهنا الزاهد وباسم سمرة وعصام السقا، تأليف أيمن بهجت قمر وإخراج سارة وفيق.