المخرج أحمد البنداري عن أزمة "الدشاش": مقولتش الفيلم فكرتي.. ومحمد سعد غدر بيا

حرص المخرج أحمد البنداري، على أن يوضح حقيقة ما تم نسبه إليه من تصريحات بعد إعلانه عن أزمته مع الفنان محمد سعد بسبب فيلم "الدشاش".

وكتب البنداري، عبر حسابه على "فيسبوك"، قائلا: "توضيح للسادة الصحفيين، أنا ماقولتش الفيلم فكرتي أو تأليفي.. هو تأليف جوزيف فوزي والبوست موجود ماتعملوش أي edit مفهوش الكلمة دي خالص ولا حتى تلميح لكده، أنا سردت اللي حصل والمجهود اللي بذلتة والغدر اللي حصل فقط وتوضيح تاني كان المفروض هينتج الفيلم تحالف انتاجي متكون من:الماسة - هاني رشاد، تريو - محمد نقرو، ورن فيلز - كريم الشربيني، الجوريو - هيثم حسن، وديجيتال لاب - عز غنيم".

وأضاف: "والصديق المشترك هو محمد كرم المقيم في دبي وهو صديق شخصي لمحمد سعد وصديق مقرب جدا مني وكل الناس دي تشهد اني ماشتغلتش على الفيلم اسبوع واحد فقط زي ما المؤلف قال.. يمكن هو يقصد بعد قعدة محمد سعد هما اتفقوا بعد اسبوع انهم يعملوا الفيلم من غيرنا بدون علمنا لأن بعد اختفاء سعد كنا مرشحين ممثل تاني خالص".

وتابع البنداري: "بالمناسبة في الأعراف السينمائية بيتكون ارتباط شبه كاثوليكي بين المخرج والمؤلف مادام المخرج ملتزم بالعمل على الفيلم بصرياً بالتوازي بتسويقه عند المنتجين وده بيثبت الجدية في التعامل.. فا لما اخد سيناريو و اشتغل عليه بصريا بالشكل ده واسوقه عند المنتجين بيبقى صعب المؤلف يقول "من حقي اسحبه اي وقت" أو "اصل النجم مش عايزه" دي كده نبقى باعة جائلين مش سينمائين خالص".

وأردف: "النجم اللي أنا رشحتة وكلمتة وأنا اللي خدت معايا المؤلف معايا احتراماً ليه المهم بعد المجهود المبذول والمذكور في البوست الأصلي بالتفصيل.. انا حاولت استثني المؤلف من الموضوع ده حفاظاً على صداقتنا اللي خانها قبل كده وانا سامحتة.. لكن معرفش ليه هو خد صف الناحية التانية لتاني مرة معايا من غير اي اذى من ناحيتي بالعكس اعتقد انه ماشفش مني غير كل خير والتزام".