بعد سخرية محمد رمضان منه.. أمير عيد يدعم كزبرة: «إوعى تخسر نفسك زيهم»

حرص الفنان أمير عيد، على دعم الفنان أحمد بحر الشهير بـ«كزبرة» وذلك بعد تصريحاته بأنه يعاني نفسيًا بسبب السخرية والتقليل منه، بعد سخرية محمد رمضان من اسمه.

خلاف كزبرة ومحمد رمضان

وكتب كزبرة من خلال «ستوري» على «إنستجرام» بعد تصريحات محمد رمضان والتي أجاب فيها عن سؤاله عن كزبرة قائلًا: «لا بقى بلاش السؤال ده، احنا في مكتبة مش في محل عطارة»، قال «كزبرة»: «أول حاجة الحمد لله على نعمة ربنا عليا، وحبكم ورسائلكم الجميلة اللي بتوصلني، ورد الفعل الجميل منكم على فيلم الحريفة 2، كلام كتير نفسي أقوله وأعبر بيه ليكم».

وأضافت: «والله يا جماعة الكلام ده نفسي أقوله من بدري بس حاسس إن ده وقته، أنا مش عارف ليه كل لما انجح في ناس بتحاول تطلع صورتي وحشة، أنا بجد نفسيا مبقتش قادر وبقالي فترة كبيرة كل لما اعمل حاجة حلوة، مبقتش عارف اتبسط بيها ونفسيا مش احسن حاجة».

و تابع: «ربنا اللي عالم الواحد كل اللي يهمه انه يقدم حاجة تعجبكم وتسعدكم، بس في ناس بتتعامل مع اللي بيقدم حاجة كوميدية على اساس انه شخص تافه مش موهوب، والواحد عشان بيتعامل بطبيعته ومش بيتصنع بتحاولوا تشوفوا ازاي تطلعوا فيّ عيب قدام جمهوره واخواته إلاى بيحبيوه، زي أن يتنسبلي كلام مقلتهوش أو يتقلل مني بحاجات قديمة عملتها».

واستطرد :«أحيانا الكلام عليا بيوصل للتريقة على اسمي بمجرد ما بعمل حاجة حلوة وتعجبكم، أنا مش عارف ليه وده السبب إللى ببيخلي انسان طيب اول ما ينجح يتحول لانسان عنده نقص وعنده حرب مع كل إللى حواليه، زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع، فأنا يا جماعة مش عايز أوصل للمرحلة دي».

واختتم: «أنا عايز أبقى إنسان طيب وفى حالي وأشتغل على نفسي وأقدملكم فن يعجبكم ويبسطكم، هو ده هدفي فبلاش تتعاملوا مع الواحد بأسلوب هو مش حبه، وشكرا لكل واحد بيدعمني من قلبه واي حد بيحب اللي بقدمه أو حتى بينتقده بأسلوب كويس انتم اللي تهموني».

أمير عيد يدعم كزبرة

من جانبه وجه الفنان أمير عيد رسالة دعم لكزبرة بعد تصريحاته الأخيرة، عبر حسابه على موقع «إكس»: «أخي العزيز إوعى تتغير أو تخسر نفسك زيهم. خليك زي ما أنت طيب وحقيقي وروحك حلوة».