الحلقة 19 من «الاختيار 3» تكشف في تسريب جديد المخططات الشيطانية لخيرت الشاطر

كشفت الحلقة 19 من مسلسل الاختيار 3، عن تسريب خطير يكشف المخططات الشيطانية لنائل مرشد الجماعة الإرهابية خيرت الشاطر، بحضور القيادي الإخواني محمد مرسي حينها قبل أن يصبح رئيس الجمهورية.

وقال خيرت الشاطر في الفيديو: "الدكتور عبدالمنعم الآن له موقف، إحنا كجماعة واخدين قرار استراتيجي بألا يكون لنا مرشح للرئاسة وإحنا بنقول هذا الكلام من عدة اعتبارات، منها الاعتبار اللي حضرتك تفضلت بالإشارة إليه إن إحنا جزء من منظومة دولية فلازم أنا دلوقتي مكررش مأساة غزة هنا وحماس، نمرة 2 أنا مدرك إن مشكلة مصر الآن وأزمتها، لا يمكن أي فصيل يعرف يشيلها لوحده لازم الكل يحط إيده في إيد بعض".

وتابع: "فلو أنا جيت وفرضت نفسي وقلت أنا هقدم مرشح للرئاسة وحشدت الناس راحت انتخبته، فأنا خلاص يعني حفزت ضد كل اللي ممكن عايز يتحفز، طب ما أنا أشتغل من ورا أو أشتغل بشكل جزئي لو الظروف سمحت، وأحط إيدي في إيد الكل".

وأضاف: "على الأقل على ما يجربني مرة أو اتنين ويصدق إن أنا مش هدفي الحكم عبدالمنعم له توجه إن هو عايز ينزل رئيس جمهورية فواخد خط، ف إنت يا دكتور يحيى بتدعيه بصفته إيه؟ وتحطه هو والا اثنين وعصام وتدي إحساس إن دول الإخوان واخد بال حضرتك وسايبنا إحنا كلنا".