«اللي عايز يشتمني عنده الميديا».. عمرو أديب يكشف عن أسباب إغلاقه للتعليقات على «إكس»

قرر الإعلامي عمرو أديب، إغلاق التعليقات على حسابه في منصة «إكس»، مؤكدا أن هذا القرار يعود لعدة أسباب.

وقال عمرو أديب، في حسابه على «إكس»، : «إلى كل الساده اللى معترضين على قفلى للتعليقات في حسابى: أولا: أنا بكتب هنا علشان أعبر عن رأيي مش علشان أعرف راي حضرتك فيه، ثانيا: عايز ترد عليا في مليون طريقه من خلال حسابك للرد».

وتابع: «ثالثا: أنا مش حسمح أن إعلانات أدوية أو واحد زعلان مع خطيبته تستخدم حسابي، رابعا: أية فكرة أني أسيب حد يسب أمى أو أبويا في حسابى بداعي الحرية والشجاعة في المواجهة».

واختتم: «واخيرا أي حد عايز يهاجمني أو يشتمنى عنده عالم الميديا كلها وربنا معاكم ويوفقكم، بس أنا مش حكون معاون لأي جاهل أو حد معرفش مصدر دخله أنه يكون حصان طرواده ( يعنى ايه طرواده) ده لو مش حضرتك عارفه يبقى نرجع تانى لأهميه اغلاق التعليقات أما أني افتقد للشجاعة والكلام ده اظن حضراتكم عارفين أن الدنيا كلها بتعرف توصلى».