زينة: «ولادي لا يشعران بفقدان الأب ولا يعرفان أهميته»
كتب: متابعات
تحدثت الفنانة زينة عن فقدان أولادها شعور الأب، مشيرة أنهما لا يعرفان مدى أهميته؛ لأنهما لم يجربا هذا الإحساس من قبل، مضيفة أنها امرأة قوية لأنها تقوم بدور الأم والأب معا.
زينة: ولادي مش مفتقدين الأب
وقالت الفنانة زينة، خلال حوارها مع الإعلامي أنس بوخش، في برنامج «ABtalks»: "ولادي مش مفتقدين الأب لأن اللي مجربش حاجة معينة مش هيشعر بـ فقدها ومش حاسين بأهميته.. وبشوف إني قوية عشان بسد خانة الأب والأم، ولو رايحة مكان وقالولي لأ متروحيش بسمع كلامهم عشان معنديش أغلى منهم".
زينة عن فقدانها لـ والدها
وفي سياق آخر، عبرت زينة عن حزنها الشديد بعد فقدان والدها، قائلة: "أي حد عاوز يقرب مني بيعمل نفسه زي بابا من كتر حبي له، وأنا كنت بتخدع بـ ده كتير، ومش قادرة أتعامل مع موضوع وفاة والدي لحد دلوقتي بالرغم من أنه اتوفى من كتير أوي، ودايمًا بفتكر له كل حاجة حلوة، وهو كان حنين وعلشان كدة تعبت أوي بعده ولحد دلوقتي بحتاجه، وروحي مبقتش زي ما هي، عمره ما ضربني ولا حرمني من حاجة، أنا كنت بخاف أغلط عشان مزعلوش، ومستغربة أني لسه مكملة، وكل الحب ده بطلعوا في أولادي لأن الحب اللي جواك كله بيطلع".
