منة فضالي: "مبفكرش في الجواز.. ولو فكرت هتجوز راجل مش مصري"

 كشفت الفنانة منة فضالي في لقاء على هامش تكريمها في مهرجان "الأفضل" The Best الذي أقيم مؤخرا أنها لا تفكر نهائي في الزواج.

وعن متى ستدخل القفص الذهبي، قالت: لا أنا عروسة لا! أنا كده حلوة قوي، أنا كده تمام، أنا مرتاحة جدا.

مواصفات فتى أحلامها

أما عن مواصفات فتى أحلامها، فقالت: معنديش أي فتي أحلام خالص دلوقتي، مبفكرش في الارتباط دلوقي، يوم ما اتجوز هتجوز واحد من بره، هتجوز واحد أجنبي مش واحد مصري، مبفكرش في الارتباط دلوقتي.

كواليس مسلسل "كوبرا"

وتحدثت منة فضالي، عن كواليس مسلسل "كوبرا" مع محمد إمام، قائلة: محمد من الناس الجميلة، تشتغلي معاه وانت مرتاحة، مريح جدا في الشغل، كواليسنا كانت حلوة، المخرج كان زي العسل الأستاذ أحمد شفيق.

وقدمت في كوبرا شخصية شبهي، كانت فكاهية قوي وبتحب تضحك على طول، وأنا كده للأسف، لإن في ناس بتقول دي عبيطة وهبلة.

وعن الموقف الذي لا ينسى مع محمد إمام في كواليس مسلسل "كوبرا" قالت:مشهد كان فيه فار حقيقي ومحدش قال لنا، ولما اكتشفت قعدت أشده بره الكادر، وجريت وكنت هوقع الكاميرات.

جديد منة فضالي في رمضان 2025

وقالت منة فضالي، عن مشاركتها في مسلسل "سيد الناس" لرمضان 2025: مسلسل قوي وكاست عظيم، والأستاذ محمد سامي أكيد بيقدم أعمال متميزة، لكن مش هقدر اتكلم عن أي تفاصيل.