منة فضالي تودع 2024 بكلمات مؤثرة معلنة إصابة والدتها بالسرطان

ودعت الفنانة منة فضالي عام 2024 بكلمات مؤثرة، كاشفة عن إصابة والدتها بالسرطان.

منة فضالي تودع عام 2024 بكلمات مؤثرة

ونشرت "فضالي"، عبر حسابها الشخصي على موقع تبادل الصور والفيديوهات "إنستجرام"، وكتبت: "سنة كان فيها الحلو والوحش برضو بس دايما بقول الحمدلله على كل حاجة تيجي".

وتابعت: "بس دايما لازم يكون عندنا أمل في الحياة مهما كان اللي بنمر بيه دايما نقول يا رب وربنا كبير ممكن ظروفنا مش شبه بعض وحياة كل شخص غير التاني بس في الآخر كلنا واحد واحنا اللي بنغير وبنختار حياتنا اللي إحنا عاوزينها".

واستكملت: "اللي عاوزة أقوله من كل ده إن مفيش حاجة هتتغير غيرنا إحنا بنموت وبيتولد غيرنا في مجتمع وتفكير تاني غيرنا نحاول نحمد ربنا على أي حاجة ربنا مديهالنا".

وأردفت: "أنا بالنسبة لي كانت سنة فيها شغل اه وسفر وحاجات كتير بس كان فيها اوحش حاجة إني أمي جالها سرطان وعشت فترة صعبة برغم أنها كانت في المستشفي كنت بصور في نفس الوقت ومكنتش بنام يعني في الآخر الحمدلله على كل شيء".

واختتمت: "كل سنة وأنتم طيبين وسنة سعيدة عليكم يا رب وعلى كل أحبابكم وكل اللي نفسه في حاجة تتحقق يا رب، شكرا لكل حد وقف جنبي أو ساعدني من بعيد أو قريب شكرا لكل الناس اللي اشتغلت معاهم ويا رب دايما أكون عند حسن ظنكم في شغلي، شكرا لجمهوري والفانز والإعلاميين وكل الناس اللي بتشجعني دايما".