هاجر الإبياري تتهم فنان مشهور بسرقة "اللحظات اللذيذة"

تحدثت المؤلفة هاجر الإبياري زوجة الفنان محمد دياب، عن تعرضها لسرقة عمل فني لها من قبل فنان مشهور بدون ذكر اسمه.

وكتبت هاجر الإبياري، من خلال حسابها الرسمي على موقع "فيسبوك"، اليوم الأربعاء، "أنا من فترة، مش طويلة، اتفرجت على فيلم كوميدي لذيذ جدًا، ولقيت فيه خط كامل متاخد من فكرة كنت بعتها للفنان اللي قام ببطولة الفيلم اللذيذ ده، وساعتها كبرت دماغي وسكت خالص، وقولت مش مهم، مدام هو قبل على نفسه، ربنا يسامحه".

وتابعت الإبياري: “النهارده بقى لقيت باقي الفكرة عاملها في عمل فني تاني، بكل بجاحة، وهو كان قايلي نصًا إنها فكرة فانتازي أوي وتخوف، طيب لما هو كده بتعملها ليه!!”.

وواصلت: "لو افترضنا إن الفكرة جاتلك من مؤلف تاني، ومش إنت اللي اقترحتها بعد ما أنا بعتهالك، ليه مقولتش للمؤلف ده أنها بالفعل جتلك قبل كده".

وأضافت الإبياري: "بصراحة موقفك غريب، وأنا محبتش أكلمك، عشان عارفة إن ردودك مش هتفيد، والموضوع مالوش حل، بس السؤال بقي هنفضل كده لحد إمتى!؟".