مروة صبري: الست مكانها في المطبخ ودي حاجة ما تزعلش
كتب: نسرين إبراهيم
عبرت المذيعة مروة صبري، عن اندهاشها الشديد من غضب بعض السيدات من مقولة "الست مكانها المطبخ"، وذلك من خلال حلقة جديدة من برنامجها "قعدة ستات".
وقالت مروة صبري: "ليه دايما الست لما بيتقالها انتي مكانك الحقيقي إن تكوني موجودة في المطبخ، بتزعل... السؤال بتزعلي من إيه وليه دايما شايفة إنه المطبخ اللي هو مملكتك اللي هو المكان الوحيد اللي انتي تقدري تمارسي فيه كل شئ إنتي عايزاه إن ده إهانة وتهزيق وتقليل من شأنك وكرامتك وكريرك.. ليه الست شايفة الموضوع كده".
وأضافت: "أنا عايزة أقولكم إن الست اللي مكانها المطبخ دي ست مبدعة، مبدئيا الست اللي بتقف في المطبخ دي ست مبدعة ست فنانة ست متعددة المواهب لأن خليني أقولكم ببساطة مفيش حد في الدنيا دي كلها راجل أو ست أو طفل مش بيعمل حاجة واحدة كلنا بنعرف نعمل كل حاجة بس كل حد مميز في حاجة، كل حد شاطر في حاجة، كل حد بيعرف يجيب جول في حته.. الحته دي بيعرف إنه يطور منها".
View this post on Instagram
