داليا مصطفى تكشف سبب غيابها عن جنازة عمتها الفنانة ناهد رشدي
كتب: نسرين إبراهيم
كشفت الفنانة داليا مصطفى عن سبب غيابها عن جنازة عمتها الفنانة الراحلة ناهد رشدي، بعد الانتقادات التي وجهت لها.
وقالت داليا مصطفى خلال لقائها ببرنامج "واحد من الناس" مع الإعلامي عمرو الليثي عبر قناة الحياة: "الناس عابت عليا في حاجة إني محضرتش جنازة عمتي، أنا محضرتش لأني كنت مسافرة بس أنا جيت تاني يوم على طول العزاء، الناس مش متخيله هي قريبة مني إزاي دي زيها زي أمي، إحنا عمرنا ما كنا بعاد عن بعض بالعكس قريبين جدا".
وتابعت داليا مصطفى لتتحدث عن عمتها الراحلة الفنانة ناهد رشدي: "أنا كنت بحبها أوي ست جميلة بشكل لا يتصور وطيبة لأبعد الحدود مشفتش في حياتي زيها في الحتة دي، وكانت غلبانة بشكل مؤلم بالنسبة ليا".
وحكت داليا مصطفى عن موقف بينها وبين عمتها ناهد رشدي أثناء العمل: "فاكرة كنا مرة بنشتغل مع بعض مسلسل وقلت لها الإنتاج دا كويس وناس محترمة أرجوكي زودي أجرك، قالت لي أنا مضيت برقم قليل وخلاص مش هتعمل حاجة".
ورحلت الفنانة ناهد رشدي عن عالمنا في 14 سبتمبر، بعد صراع مع المرض عن عمر ناهز 68 عاما.
