أخويا في الرضاعة مسيحي ومابغنيش في الأفراح لو هاخد مليار دولار .. أبرز تصريحات محمد رمضان في "خارج إطار الشخصية"

كشف النجم محمد رمضان عن العديد من ذكرياته وطفولته، وتحدث عن بداياته الفنية، وذلك تصريحاته لبودكاست "خارج إطار الشخصية".

ونستعرض أبرز تصريحات محمد رمضان في بودكاست "خارج إطار الشخصية"، خلال السطور التالية:

ـ أنا جاي من عيلة مش فقيرة ولكن متوسطة وهى غنية جدا في التربية والقناعة والأخلاق.

ـ كنت ساكن في شارع فيه 10 بيوت، إحنا البيت المسلم الوحيد والشارع كله مسيحيين.

ـ أخويا في الرضاعة مسيحي واسمه رماني، وأنا 6 شهور أمي تعبت وكانت مامته يعني، فهو أخويا أخويا، لحد ثانوي بقول ده أخويا.

ـ الثقة في الله هي سر النجاح، وهي كلمة تعلمتها من والدي ووالدتي.

ـ وأنا عندي 19 سنة كان رصيدي في البنك 6 مليون جنيه، حققت نجاح كبير في شبابي وبالتأكيد أعتبر المال دليل على النجاح وأنا مليونير من يومي.

ـ أنا تعاملت مع نفسي كبراند أنا شركة كبيرة اسمها محمد رمضان، فيها قسم اسمه الماركتينج، قام طلع له فكرة قدمها للمغني اللي هو اسمه محمد رمضان، قاله عايزك تعملي إعلان باسم محمد رمضان، وعملنا أغنية نمبر وان وربطناها بمحمد رمضان.

ـ بقى كل ما حد يفتكر نمبر وان لازم يفتكر رمضان، فالماركتينج قال لنفسي والله فكرة حلوة، واستغلينا الممثل محمد رمضان إنه يجذب الجمهور ويبقى معانا في نفس الكليب.

ـ لو شوفت حد طالع فجأة وبيقول إنه نمبر وان هاخد عنه انطباع الغرور اللي الناس أخدته عني في البداية، ولو أنا صحيت ولقيت حد بيقول على نفسه كده وبيغظني وبيقول على نفسه نمبر وان مش هيعجبني

ـ لو هاخد مليار دولار مش هغني في أفراح، ده وضع أنا حطيت نفسي فيه، لأني بتعامل مع نفسي على أني شركة كبيرة.

ـ أول حد إداني الفرصة وقدمني سعيد صالح، وتاني حد وقف جنبي حنان ترك وكانت صاحبة فضل، وبعديها اشتغلت مع منى زكي في السندريلا وقدمت دور أحمد زكي.

ـ الإصرار بأهمية الموهبة، أوعى تستلم أوعى تفتكر الرفض حكم بالإعدام الطبيعي هيتقالك لأ.