عمرو سعد يرد على تلميحات تقليده لـ محمد رمضان: حملات مدفوعة الأجر وكاذبة

علق الفنان عمرو سعد، على تليمحات الجمهور بأنه يقلد الفنان محمد رمضان، وذلك الجدل حدث بعدما نشر سعد صورة له من مسلسله الجديد «سيد الناس»، المقرر عرضه في رمضان .2025

وقال عمرو سعد، في تصريحات لبرنامج «et بالعربي»، في بداية حديثة: «الكلام الكتير والهرى على السوشيال ميديا، انا يمكن لأول مرة بتكلم، ولما بتكلم متعود على الوضوح التام والصراحة، لأنه العديد يعرف اننى رجل قليل الكلام وبخجل اطلع اتكلم».

وأضاف: «ولا أحب أشير إلى نجاح نجحته أو مشاهدة حققتها، وده حرصًا على مجهود كل الناس اللى اشتغلت، وزملائي اللى بيعملوا أعمال رائعة أنا شخصيًا بتفرج عليها وأتابعها وبكلمهم أهنئهم وانا من جمهورهم.. لأنه يعني أنا بصدق في إنه ما ينفعش تشاور على نجاحك.. احنا بنحلم نعمل حاجة تأثر في الجمهور أو تبسطهم أول ما ده بيخلص بنفكر في العمل اللي بعده لكن للأسف الشديد الصمت ده بيتفهم غلط في تحوش السوشيال ميديا ووجود حملات مدفوعة الأجر لصناعة انطباعات معينة وكاذبة ومزيفة.. شئ بقى غريب جدا».

وتابع: «وللأسف الشديد الجمهور بتاعنا جمهور طيب في النهاية ممكن يحصل تشويش الانطباعات عن الأشخاص والأعمال وده بقى حاجة غريبة ومريبة بعد تفشي ظاهرة السوشيال ميديا وإن الناس تستمتع بده وتتفرج على ده وتتابع آخبار النجوم وأرقام التريندات أصبح النهاردة إن الصمت ده يتفهم غلط».

وكان قد رأى بعض رواد مواقع التواصل الاجتماعي أن الصور التي تم نشرها لعمرو سعد من داخل أحداث مسلسله الجديد "سيد الناس" تشبه مشاهد من أعمال محمد رمضان، لتشتعل المقارنات بين النجمين.