دوللي شاهين: «بشوف الأحضان والقبلات في الأعمال الفنية مش حرام»
كتب: أمنية مدحت
كشفت الفنانة دوللي شاهين عن رأيها في مشاهد القبلات في الأفلام.
دوللي شاهين: "البوس والأحضان في الأفلام مش حرام"
وقالت دوللي شاهين خلال لقائها في برنامج "وشك مكشوف" عبر قناة "هي": "البوس والأحضان في الأفلام مش حرام عشان دا تمثيل لا بنبوس بجد ولا بنحضن بجد، يعني مفيهوش مشاعر عادي زي اتنين بيمسكوا إيدين بعض مفيهاش مشاعر".
وتابعت دوللي شاهين: "أنا مش عايزة أدخل في الحرام والحلال، أنا مش عايزة أتكلم عن الفكرة كدين، في رأيي الشخصي دا تمثيل عادي يعني، ودا بيختلف من شخص لآخر يقبل يقدم دا أو لا، لكن كدين أنا مش إمام عشان أقول دا حلال ولا لأ".
وعن فكرة تقديم التنازلات من أجل تحقيق النجاح قالت دوللي شاهين: "عمري ما قدمت تنازلات وإلا كان زماني في حته تانية تماما، أكيد أطلب مني أقدم تنازلات زيي زي أي حد لكن طبعا لأ".
