عمرو وهبة: صناعة الكوميديا شغلانة صعبة.. و"أشغال شقة" صعبها على أي حد بيعمل كوميدي

أشاد الفنان عمرو وهبة، بمسلسل "أشغال شقة"، الذي يعرض ضمن سباق رمضان 2025، مؤكدا أن العمل صعب الأمر على صناع الكوميديا.

وكتب عمرو وهبة، عبر صفحته على "فيسبوك": "صناعه الكوميديا والضحك عامه شغلانة صعبة جداً وبقت أصعب الكام السنة الأخيرة بسبب التيكتوك والريلز السريعة اللى خلت الناس رتمها أسرع وخلقها أضيق ومش عايزين هرى وعايزين النكتة بسرعة والكوميدى بالنسبالهم بقى اللى هو حدوته لذيذه بيحكيها ناس دمها مش تقيل".

وأضاف: "وسقف طموح الناس نزل ومبقوش مستنين ضحك أوى بس على الأقل ميبقاش فى استظراف.. وده مش فى مصر بس بره وفى أمريكا أم الصناعة مبقوش عارفين يعملو مسلسل كوميدى زى فرندز او مودرن فاميلى وآخر فيلم كوميدى بيضحك بجد بالنسبالى هو هانج أوفر وده إنتاج 2009".

وتابع: "المهم يعنى إن أشغال شقة جه لغى كل الهجص اللى أنا كاتبه فوق ده فا براڤو وصعبتوها على أى حد بيعمل وهيعمل كوميدى".

مسلسل "أشغال شقة"

مسلسل أشغال شقة بطولة هشام ماجد فى دور الزوج، وأسماء جلال فى دور الزوجة، وشيرين فى دور والدة الزوج، وسلوي محمد علي فى دور والدة الزوجة، ومصطفي غريب، ومحمد محمود، محمد عبد العظيم.

بجانب مشاركة عدد من ضيفات الشرف عدد من الفنانات هذا الموسم فى أدوار العاملات بمنزل البطل هشام ماجد، هذا الموسم ، ناهد السباعي ونسرين أمين وآية سماحة ودنيا ماهر وفدوي عابد  بالإضافة الي الفنانة إنتصار التى سبق وأن ظهرت فى الموسم الأول.