عمرو أديب لـ«زيزو»: «أقعد في الزمالك علشان تبقى سيد الناس»

وجّه الإعلامي عمرو أديب، رسالة عاطفية وحماسية إلى نجم نادي الزمالك أحمد سيد زيزو، على خلفية الأنباء المتداولة بشأن توصله لاتفاق مع النادي الأهلي؛ تمهيدًا للانضمام إلى صفوفه. 

عمرو أديب يوجه رسالة لـ زيزو

وعبر عمرو أديب، خلال برنامجه "الحكاية" المذاع على قناة MBC مصر، عن تمسكه الكبير ببقاء زيزو داخل القلعة البيضاء.

وقال عمرو أديب في رسالته لزيزو: "متروحش الأهلي علشان تبقى واحد من الناس، أقعد في الزمالك علشان تبقى سيد الناس".

 وأضاف: "متروحش الأهلي علشان متبقاش واقف في الملعب وسط لاعيبة ممكن يضايقوك بكلمة أو عبارة، متروحش الأهلي اللى عنده 5 أو 6 لاعيبة مقعدهم ولا بيلعبهم، أقعد في النادي اللي عارف قيمتك".

وتابع: "يا زيزو، جنب المصلحة فيه حاجة اسمها تقدير ومحبة، كل الناس بتسألني انتوا ليه ميتين على زيزو؟ أقولهم: وانتوا ليه مش شايفين إن النادي كله بيلف حوالين لاعب واحد؟".

عمرو أديب يوجه رسالة مباشرة للنادي الأهلي

ووجّه عمرو أديب رسالة صريحة إلى إدارة الأهلي، قائلاً: "الأولى بالأهلي يحل مشاكله مع اللاعيبة اللي عنده، النادي محتاج فلوس، وأنا متمسك بزيزو لأنه ابن النادي، وانتوا واخدين 3 لاعيبة يعتبروا نص الزمالك".