عصام السقا:«أشتغلت نبطشي أفراح في البحيرة عشان إش إش»
كتب: أمنية مدحت
تحدث الفنان عصام السقا، عن شخصيته في مسلسل «إش إش»، بطولة الفنانة مي عمر، و الذي تم عرضه في موسم رمضان المنقضي.
عصام السقا: «شخصية نصة مستوحاة من طارق شئلشة»
وقال عصام السقا، في تصريحات لبرنامج «الراديو بيضحك»المعروض على «الراديو 9090»، تقديم الإعلامية فاطمة مصطفى: «أول ما محمد سامي كلمني عن شخصية نصة نبطشي الأفراح إلى عملتها في إش إش.. علطول جيه في دماغي الشخصية اللي عملها ماجد الكدواني في فيلم الفرح..و كنت قلقان في الأول من الشخصية.. وقولت لمحمد سامي سيبني أحضر للدور».
و أضاف: «وبدأت أدور ازاي أقدم شخصية النبطشي بالطريقة الحديثة.. كنت عايز أعمل معايشة مع ناس حقيقين في المهنة دي عشان الدور..سافرت محافظات منهم البحيرة وقابلت نباطشية أفراح وقدمت معاهم فقرات على المسرح وعشت معاهم الأجواء.. و قابلت نبطشي اسمه طارق شئلشة هو دا اللي استوحيت منه شخصية نصة».
مسلسل «إش إش»
مسلسل «إش إش»، بطولة مي عمر، ماجد المصري، هالة صدقي، عصام السقا، محمد الشرنوبي، ندى موسى، إنتصار، دينا، شيماء سيف ومن تأليف وإخراج محمد سامي.
