بعد انتقال «زيزو» لـ الأهلي.. ياسمين عز: «لو جوزك زملكاوي شيلي من قدامه أي حاجة حمرا»
كتب: أمنية مدحت
علقت الإعلامية ياسمين عز، على انتقال لاعبي الزمالك لغريمه للنادي الأهلي، حيث تحدثت بطريقة ساخرة عن الأزمة النفسية التي يمر بها جمهور الزمالك، خاصة بعد انتقال أحمد سيد "زيزو" للأهلي، وتداول أخبار عن انضمام أسماء أخرى.
ياسمين عز: الأهلي خد زيزو وبن شرقي وإمام
وقالت ياسمين عز، خلال برنامج "كلام الناس" على قناة MBC مصر: "زيزو هيلبس الفانلة الحمرا، الزملكاوية هيعيشوا أيام صعبة.. الأهلي خد زيزو وبن شرقي وإمام، وفي كلام على مصطفى محمد كمان، أنتي متخيلة أنا بقولك إيه؟ فهماني ولا بتحمّري البطاطس؟".وتابعت رسائلها للزوجات بطريقة ساخرة: "لو جوزك زملكاوي، طبطبي عليه وسيبيه في سلام، ساعديه يعدي مرارة الأيام ويتخطى الآلام والأوهام، وانتي قاعدة كده وهو بالليل جمبك، شربيه كوباية لبن سخنة وقوليله خش نام وسيبيه في حاله".
واختتمت ياسمين حديثها بتأكيد على أن الواقع قد تغيّر، قائلة: "زيزو أهلاوي وراح الأهلي، واللي كان كان.. وأي حاجة حمرا عندك في البيت شيليها من قدام جوزك".
