شقيقة إيناس النجار ترثيها برسالة مؤثرة: «يا رب أكون بحلم وأصحى من الكابوس ده»
كتب: أمنية مدحت
أعربت سوار النجار، شقيقة الفنانة الراحلة إيناس النجار، عن حزنها الشديد بعد رحيل شقيقتها خلال الفترة الماضية، مؤكدة أنها ما زالت تعيش حالة من الفقد والوجع، ووجهت لها رسالة مؤثرة عبّرت فيها عن ألمها العميق لغياب شقيقتها، وافتقادها لها في كل لحظة.
شقيقة إيناس النجار ترثيها بكلمات مؤثرة
ونشرت سوار النجار صورة جمعتها بشقيقتها عبر حسابها بموقع الصور والفيديو «إنستجرام»، وعلقت قائلة :«طيب انتي رحتي مكان جميل عند ربنا أنا بقى هكمل حياتي ازاي من غيرك؟ ازاي يا روحي ازاي يا بنتي يا صحبتي يا توأمي ازاي انتي كنتي محور حياتي كله أنا اللي كنت بعمل كل تفصيلة في حياتك وفي يومك أنا ماكنتش بحب نفسي قد ما بحبك وانتي كنتي بتحبيني وبتحبي ماما ولانا اكثر من نفسك طيب ازاي ؟».
وأضافت :«ازاي اكمل من غيرك ازاي مش موجودة معانا طيب نعمل ايه بندعي بالصبر وبنصلي وبنتوسل من ربنا انه يصبّرنا بس ازاي هنصبر ازاي مين هيكون احن منك غير ربنا علينا يا حنينة يا طيبة يا ملاكي دنيتي خلصت من غير توأم روحي يارب استغفر الله العظيم يارب».
وتابعت :«والنبي صحيني من الكابوس ده والنبي يارب يطلع كابوس أو حلم واصحى الاقي اختي وروحي ايناس معايا ياارب ياارب الدنيا وحشة وثقيلة وسودة في عيني يااارب قولي اعمل ايه يارب ردي عليا يا نوسة».
