أحمد زاهر لابنته ليلى عن بكائه في فرحها: كنت عاوز أقولك لا متمشيش وتسيبيني
كتب: نسرين إبراهيم
وجه الفنان أحمد زاهر، رسالة مؤثرة لابنته ليلى بعد زواجها، معبرا فيها عن افتقاده وحبه لها، حيث نشر مقطع فيديو عبر حسابه الرسمي بموقع الصور والفيديو «إنستجرام»، تضمن لقطات خلال رقصه مع ابنته من حفل الزفاف، على أنغام أغنية «بنت أبويا» للفنانة هنا يسري، في لفتة عاطفية عبر من خلالها عن مشاعره تجاه ابنته في هذا اليوم المميز.
وقال أحمد زاهر تعليقًا على الفيديو، الذي ظهر فيه وهو يدخل في نوبة بكاء شديدة أثناء رقصه مع ابنته ليلى في حفل زفافها:«وأنا داخل ارقص معاكي شفت وشك اللي زي القمر أجمل عروسة في الدنيا كلها بصيت في عينيكي وفجأه مر قدامي شريط ذكريات من أول لما جيتي الدنيا وأنا أول واحد شيلتك بين إيديا وشفت كل لحظة وانتي بتكبري قدام عنيا لحد اللحظه اللي احنا بنرقص فيها مع بعض وانتي عروسه زي القمر».
وأضاف :«وخلاص هاتسيبيني وتمشي مع عريسك حسيت بمشاعر كتير متناقضه ومختلفه والدموع نزلت من عيني غصب عني وحسيت إني عاوز أقولك لا متمشيش وتسيبيني وأرجع في كلامي بس في نفس الوقت أنا عارف أن دي أجمل لحظه في حياتك إنك اخترتي اللي بتحبيه وبيحبك».
وتابع :«بصراحه اخترتي صح راجل ومحترم وبيحبك وبيقدرك وهايشيلك جوه عنيه زي ما وعدني مبروك يا بنت عمري يا بنت قلبي بحبك يا اجمل بنوته واجمل عروسه في الدنيا كلها بحبك يا ليلي».
View this post on Instagram
