هيدي كرم: "تعبت من البرفيكشن وهوس الكمال على مواقع التواصل الاجتماعي"
كتب: أمنية مدحت
وجهت الفنانة هيدي كرم رسالة خاصة للسيدات بسبب هوس عمليات التجميل والميكاج اللواتي يضعهن على وجوههن بغرض الوصول لأكبر درجة من الكمال والجمال الخالي من العيوب بشكل غير طبيعي.
هيدي كرم توجه رسالة للسيدات
وقالت هيدي كرم، من خلال مقطع فيديو لها عبر حسابها الشخصي بموقع تبادل الصور والفيدوهات "إنستجرام": "أنا مش ضد عمليات التجميل اللي بتحسن المظهر من غير ما تغير الشكل، لكن أنا ضد إننا نصدر للناس إن وشنا بانور وألماظ وشعرنا حرير لأن إحنا بشر من لحم ودم".
واستكملت "كرم": "الأمر وصل للخطورة وبقى في هوس عند السيدات بسبب عمليات التجميل، ولازم نتقبل شكلنا وإن عندنا نمش وبقع ونتقبل الشكل الطبيعي اللي ربنا خلقنا بيه".
View this post on Instagram
وأشارت هيدي كرم إلى الكمال غير الطبيعي اللواتي يظهرن به معظم السيدات على مواقع التواصل الاجتماعي في شكل أجسامهم وملامحهم وملابسهم وحتى بيوتهم، معلقة "أنا تعبت من البرفيكشن وهوس الكمال على مواقع التواصل الاجتماعي، وإننا لازم نطلع مفيناش غلطة ووشنا زي السراميك".
تابعت: "نفسي نطلع طبيعين لأن إحنا بني آدمين عندنا عيوب ومشاكل ونمش وتجاعيد، ومواقع التواصل الاجتماعي عالم مفتعل ولازم نتقبل عيوبنا ونحبها ونتصالح معاها".
واختتمت الفنانة هيدي كرم حديثها برسالة تشجيع لكل السيدات قائلة: "وأنا من موقعي هذا بشجعكم وأشجع الجميع إننا نرجع شوية بشوية للطبيعي ومنتكسفش من عيوبنا ونتقبلها، علشان نشد من بعض ونرفع من بعض لأن مفيش حد أحسن من حد".
