بعد رفض دعوى طليقها بضم حضانة ابنائها.. مي فاروق: الظلم وحش ونصرة ربنا جميله قوي
كتب: حسناء حسن
علقت المطربة مي فاروق على صدور الحكم القضائي الصادر برفض الدعوى التي تقدم بها طليقها ووالد أبنائها لضم حضانة الأطفال إليه، وذلك عقب زواجها من الفنان محمد العمروسي.
وفي أول تعليق لها على القرار، قالت مي فاروق عبر حسابها الرسمي على موقع التواصل الاجتماعي «فيس بوك» رسالة مؤثرة جاء فيها:«عمر ثقتي في ربنا ما خيبت أبدا ودايما ظني فيه انه كريم وجميل وساندني وعارف مين المؤذي ومين الصادق اللي اتظلم وده اللي دايما بيحصل».
وأضافت:«ورضا أمي وأبويا عليا ودعواتهم ليا اللي دايما محاوطاني وثقتي في أن أنا ما بظلمش حد أنا اللي بتظلم وبوكل أمري لله وده قمة القوة اللي كتير قوي بيفتكروه ضعف بس عشان هم عندهم مشاكل أنا مسنوده سنده ما يهزهاش بشر ابدا ربنا معايا ودعوات أمي وأبويا ورضاهم عليا مرافقني العمر كله».
وتابعت:«وكمان في ظهري رجل محترم وأمين ثقتي فيه عمرها ما خيبت ربنا يخليك ليا ولاولادنا وقانون بلدي وعدالة بلدي النزيهه وراجل محترم وقف معايا من اول الحكايه وثقتي فيه كانت كبيرة جدا المستشار ياسر قطنوش».
واختتمت مي فاروق منشورها بدعاء مؤثر:«فاللهم لك الحمد على كل نعمك وكرمك وفضلك وسندتك ديمها عليا نعمه يارب ورد كيد الكائدين وحقد وغل كل واحد له اللهم امين وانصرني دايما كده وزيدهم كمان وكمان من اللي في قلوبهم وابعدهم عنا اللهم امين الظلم وحش ونصرة ربنا جميله قوي».
