أحمد شوبير: الفيفا يعتمد الضرائب الأمريكية على مكافآت مونديال الأندية

كشف الإعلامي أحمد شوبير، حارس الأهلي ومنتخب مصر، عن أن الفيفا سيعتمد الضرائب الأمريكية على مكافآت بطولة مونديال الأندية.

وقال أحمد شوبير عبر "أون سبورت إف إم:"فوجئنا امبارح ان الفيفا وافق علي طلب امريكا، وامريكا مبتهزرش دلوقتي انت عندك بطولة كاس عالم عامل حوافز للاندية حضرتك القانون بتاعي من 1-17% ضرايب".

وتابع:  "المبلغ اللي كان هيتقاضي النادي الاهلي اللي كان يفوق التسعة مليون دولار لو اتخصم منه يا سيدي قول 15/17% لو شيلت عشرة في المية ادي 900 وشوية وهتخس 1.5 دولار برضو مبلغ كبير فالاهلي كان عامل حسابه ان المبلغ دة كان داخل خزينته دة ياثر بالفعل علي مداخيل النادي الاهلي يعني".

وأكمل: "في حاجات الاهلي اتصرف فيها قال انا جيبت محاسب قانوني عندي هنا وجيبت محاسب قانوني امريكي عشان احسب حسابتي كويس ومطلعش متعور اوي بس انت عارف بتبقي رخمة اوي عامل حسابك علي حاجة والدنيا ماشية كويس".

وزاد: "الدنيا فجاة اللي خلاها تمشي بالشكل دة او تروح في الاتجاه دة ، لما السياسة بتختلط بكرة القدم بتبقي ازمة وازمة دمها تقيل ورذلة يعني لكن هو دة دلوقتي اللي ماشي فيه المجتمع الامريكي"

ولفت: "بالمناسبة الناس في السفارة الامريكية في غاية اللطف والاحترام انا كنت موجود من كام يوم باخد التاشيرة يعني ان كل الناس حتي اللي بيترفضوا باحترام شديد جدا جدا والاجراءات سلسة جدا للجميع مش ليا يعني انا قعدت اراقب اشوف الدنيا شكلها عاملة ايه".

وأكد: "لما بتتعامل مع الامريكان لا التعامل جيد جدا والاحترام لكل المصريين اللي شغالين في السفارة الامريكية بيتعاملوا مع الناس بكل احترام مبيهمبمش دة مشهور ولا مش مشهور دة صغير ولا كبير ودي تاني مرة اتعامل داخل السفارة الامنريكية ادب احترام شديد جدا جدا جدا".