مسلم يهاجم البلوجر أروى قاسم: شياكة مني بوست إيديها ومش هعاكس واحدة يوم فرحي
كتب: نسرين إبراهيم
هاجم مغني المهرجانات مسلم، البلوجر أروى قاسم، بعد الأزمة التي افتعلتها عقب حضورها حفل زفافه، وهجومها على زوجته يارا تامر.
وقال مسلم في لايف ظهر فيه عبر حسابه الرسمي على "إنستجرام": "أول حاجة، يارا مراتي عارفة إن أنا طيب من جوايا لما بيكون حواليا مش بعرف أظبط كلامي.. وموشع أروى، أنا كنت بحترمها وبعتبرها أختي الصغيرة وحتى يارا، ولما جت الفرح استقبلها احلى استقبال، ولما بوست ايديها كانت شياكة مني قولتلها نورتي يا أروى واتفضلي، مش هاجي يوم فرحي أعاكس واحدة شئ لا يعقل، ومش هعمل كده واكلف فرحي علشان أجي أبوظه".
وتابع: "انا اتفجئت باللي اللى عملته أروى، وأنا ويارا شدينا مع بعض بسببها، لكن الحمد لله بنعرف نلم مشاكلنا وبنعرف نتكلم وعندنا عقل في علاقتنا، لو انتي بحبيني وتحترميني يا أروى عمرك ما كنتي نزلتي كل الفيديوهات دي، وأكيد طبيعي علشان حتى لو اتشاف هتتفهم بشكل مش كويس، وكمان ممكن تزعل يارا".
وأضاف: "يا أروى مكانش ينفعش تعملي أي حاجة من اللي عملتيها،.. وأنا مغلطش فيكي وبعدين أروى كانت معايا من زمان يعني لو في حاجة بينا أكيد كانت قدامي، مش هاجي يوم فرحي وأعمل كده".
واستكمل: "أنا ما اعتذرتش ليها، أنا كنت بهدي الموضوع وطلبت منها تحذف الفيديوهات لكن هي تجاهلت طلبي، وخدت جزء من كلامي اللي هو اعتذار ونشرته".
View this post on Instagram
