الفنان كريم محمود عبد العزيز يتحدث عن علاقة الزعيم عادل إمام بأسماء بناته

تحدث الفنان كريم محمود عبد العزيز عن علاقته ببناته "كندة وخديجة وحبيبة" وكيف يتعامل معهن في الأماكن العامة.

وقال كريم محمود عبد العزيز خلال لقائه في بودكاست "فضفضت أوي" مع معتز التوني: "بتعامل معاهم باللي جوايا، لو جوايا عيل صغير هتبسط همشي اتنطط وألعب، هما بقى واحدة منهم ممكن تقولي بس لأنها فاهمة أني فنان بس أنا مش هاممني عايز اتبسط ولازم تشوفني في الحالة دي عشان تفهمني، مش هبقى الأب اللي هقولها يلا عشان نمشي دلوقتي، لأ يلا نلعب ويلا ننبسط".

وتابع كريم محمود عبد العزيز: "بيزعقولي بس مش بقلة أدب بهزار".

وحكى كريم محمود عبد العزيز عن سر اختياره اسم "حبيبة" لابنته الصغرى وعلاقته بالفنان عادل إمام: "أنا كنت هسمي بنتي "كندة" اسم "حبيبة" وأبويا عجبه الاسم، وبعدين لما جت التالتة بقى مش عارفين نسميها إيه قلت ما نسميها "حبيبة" وكان أبويا اتوفى وكنا اخترناه مع بعض، وكان من ضمن الحاجات إنه كان إفيه بيني وبين أصحابي عشان كنت بقلد أستاذ عادل إمام في فيلم "عريس من جهة أمنية" بنته حلا شيحة كانت طالعه باسم "حبيبة" وبيقولها "كل سنة وأنتي طيبة يا بيبا" ، كان بالنسبالي إني هضحك في البيت بس الإفيه خلص من بدري وبقى اسم وخلاص مفيش إفيه".

وكان كريم محمود عبد العزيز فاجأ جمهوره بظهور ابنتيه "كندة وخديجة" معه في إحدى الحملات الدعائية.

يذكر أن كريم محمود عبد العزيز ينتظر عرض أحدث أعماله "مملكة الحرير".

مسلسل "مملكة الحرير" بطولة كريم محمود عبد العزيز، أسماء أبو اليزيد، أحمد غزي، عمرو عبد الجليلن العمل من إنتاج سينرجي - للمنتج تامر مرسي، ومن تأليف وإخراج بيتر ميمي.