تامر حسني عن عودته لبسمة بوسيل: «بنتي الكبيرة.. أموت نفسي ولا أزعلها»
كتب: أمنية مدحت
بعد الجدل الواسع اللي أثاره ظهور حرف «B» في الفيديو الترويجي لحفله الأخير، خرج النجم تامر حسني عن صمته ورد على التساؤلات حول إمكانية عودته لطليقته الفنانة بسمة بوسيل.
تامر حسني يكشف حقيقة عودته لـ بسمة بوسيل
وخلال العرض الخاص لفيلمه الجديد «ريستارت»، أكد تامر في تصريحات لـ ET بالعربي: «لا، ما رجعناش، بس الحرف ده مش مقصود بيه بسمة بشكل شخصي، ده من أسماء ولادي، وعيلتي أغلى حاجة عندي».
وأشار: «كمان التاتو كان مجرد جزء من الشكل العام للكراكتر اللي بيقدمه على المسرح»، و«المخرج اقترح نكتب حاجة على إيدي علشان نكون شبه نجوم الروك اللي بنجسدهم».
اللافت في كلام تامر كان تعبيره العاطفي عن علاقته بـ بسمة، واللي وصفها بـ«بنته الكبيرة»: «مهما حصل، ومهما الناس لعبوا في دماغها، هي بنتي، وعمري ما أقدر أقسى عليها، هي في دمي، والله العظيم بتكلم من قلبي».
واختتم كلامه برسالة دعم مؤثرة قال فيها: «أموت نفسي ولا أزعلها، ربنا يحفظها ويكرمها في كل خطوة، لأنها بتعمل مجهود كبير جدًا مع الأولاد».
View this post on Instagram
