كريم عبد العزيز: أنا وعز والسقا وحلمي زي لعيبة الكرة.. والمنافسة بينا شريفة 

أكد النجم كريم عبد العزيز، أن المنافسة بينه وبين نجوم جيله مطلوبة، لأنها تكون في صالح الفن والممثل والصناعة بالكامل.

وقال كريم عبدالعزيز: "أحمد عز أخويا مش صاحبي وأحمد السقا أخويا مش صاحبي وأحمد حلمي أخويا مش صاحبي.. المقارنة دي في صالحنا كلنا لأن المنافسة شريفة، مثلا أنت عملت فيلم حلو، أحمد عز عمل فيلم حلو بغير وأكون عايز أعمل فيلم  حلو، بس من غير ما أتمنى ليه غير كل الخير".

وأضاف: زي لاعيبه الكورة، إنت رقـصتني، عايز أرقـصك، بس من غير ما نعور بعض .. فطول الوقت ده بيكون حافز لينا كلنا... كريم عمل فيلم حلو .. عز عايز يعمل فيلم احلى .. وكذلك السقا، وطول عمر الصناعة كده .. إحنا ما اخترعناش ده".

واختتم: "المنافسة الشريفة في صالح الصناعة وفي صالح الممثل وقبل كل حاجه في صالح الجمهور".