تامر حسني: أتمنى أحذف الزعل اللي بيني وبين بسمة وما تسمعش كتير لناس بتغير منها
كتب: نسرين إبراهيم
تحدث النجم تامر حسني عن علاقته بطليقته الفنانة بسمة بوسيلة، أم أبنائه، معبرا عن مدى حبه وتقديره لها رغم الانفصال.
وقال تامر حسني في تصريحات إعلامية: "أتمنى أحذف ملف الزعل بيني وبين بسمة، في بينا عشرة كبيرة وأولاد، وزي ما قلت هي بنتي الكبيرة، ومهما حصل مش بزعل منها، وأتمنى ربنا يكرمها وما تسمعش كتير، يمكن هي بتسمع كتير لناس مش بيحبوا حياتها، في ناس عندهم غيرة منها بتسمعلهم كتير".
وأضاف: "ربنا يوفقها، وبحس حاليا إنها مش بتسمع كتير ليهم ولما بشوفها من الوقت للتاني بحس إنها أفضل وإنها إن شاء الله هتشتغل على الموضوع ده، وأنا مرضاش بأي زعل ليها، ولا بزعل منها عمري، وحقيقي بعتبرها بنتي الكبيرة، وأنا قلت قبل كده أنا أموت نفسي ولا هي تزعل، حقيقي والله من قلبي
وتمنى حسني الخير لطليقته، قائلا: "ربنا يوفقها ونفسي أشوفها محققة كل أحلامها، وهي أم أولادي، وتربيتي أنا، بينا عشرة وأولاد وبينا حاجات كتيرة حلوة، أهم بكتير من أي زعل حصل، ومن أي ناس دخلت الحياة ووقعوا بينا وعملوا زعل، ربنا يصلح حالها يا رب".
واختتم حديثه، قائلا: "وبينا علاقة صداقة لحد دلوقتي، وأي كلام بتطلع تقوله، احنا تاني يوم بنتكلم عادي".
View this post on Instagram
