حلا شيحة: « تعرضت لمشاعر متقلبة قبل ارتداء الحجاب»
كتب: أمنية مدحت
كشفت الفنانة حلا شيحة، عن ما تعرضت له من مشاعر متقلبة قبل ارتداء الحجاب ، وحتى وصلت إلى اليقين بالله، مؤكدة التزامها دينيا مرة أخرى.
وقالت حلا شيحة، عبر قناتها على موقع اليوتيوب : "ربنا بيغير الأحوال، محدش أبدًا ييأس من رحمة ربنا، محدش يقول أنا مش هعرف أنا مش كويس ربنا مش هيستجيب، مفيش حاجة اسمها كده، في حاجة اسمها أنا ليا رب كريم وغفور وودود وقريب ومجيب أول ما أنادي له هيرد عليا وهيساعدني، لأن ربنا سبحانه وتعالى بيدي الدنيا لكل الناس للمؤمنين وغير المؤمنين، ولكن لا يعطي الدين إلا لمن أحب، فيكون دايمًا قلبنا اللي ربنا بينظر عليه أننا بنحبك يا رب، أننا معلش بنغلط بس أنت الغفور، أنك تكون طمعان وغرقان في كرم ربنا أوي أنك تكون عارف يقينًا أن ربنا هيغفرلك".
وأوضحت حلا شيحة: "حصلي فترة لغبطة ومكنتش بعرف أنام وكلنا بيحصل لينا الفترة دي وهبقى أحكي ليكم الأسباب، والصراعات اللي بتحصل بعد فترة قُرب من ربنا واردة وبتحصل بس مش مهم، والأحلي إني في كل مرة بقع بقول أنا ليا رب".
